Шахмурзиевар дезал шоай продукцен маьхаш лохде лаьрха ба Рамадан бетта
Рамадан бетта наха къаьста теркам бу шоай истолашта лоаттадеча даара боарама – из хала деза керда а унахцена а.
Наьсарера Шахмурзиевар дезал боккха поалхам болаш ба цу хаттара т1ехьа.
Боахама Дай дукха хана денз хьабоаг1аш ба дикача фух долча доккхийча а, замигача а хьайбай дулхаца кхоачам беш, цул совг1а массехка тайпара чкъаьра а оалхазараш а да ферме леладераш.
Беза мархий бутт хьатакхоачаш, боахама кулгалхочо лаьрх1ар маьхаш лохде шоаш йохкача х1аман.
