Пиротехника йохкача моттигашка г1олла т1ахьожам бара болх д1аболабаьб МЧС викалаша
Керда шу хьахулаш ц1ай дездеш дукхаг1а берий а, боккхаг1чара а сакъердалуш дола х1амаш да фейерверкаши, салюташи.
Петардаш, бенгальски к1ерамаш, кхыйола лелхаргаш, пиротехнически изделеш укх деношка геттара хоаттам болаш я.
Цецвала х1ама дац-цахаддаш хьежа догдоаг1а тайп-тайпарча бессах сурташ хьадеш, лелхаш ураг1аухача х1амашка.
Х1аьта из деррига кхерамза хургдолаш т1ахьожам бе д1аболабеннаб Г1Р г1олларча чоалханерча хьалаг1а йолча Министерства викалаш.
Наьсарен районе лелхаш йола ловзоргаш йохкача тикашка г1олла чакхбаьлар уж укх наькъах.
