36 000 мерза даарех латта совг1аташ д1адекъаргада берашта хьат1адоаг1а Керда Шу дездеш
Т1адоаг1а Керда Шу дездеш Г1алг1айчен берашта лаьрх1а йоккха акци д1акхухьа х1ара шера Россе Паччахьалкхен Дума депутата Барахоев Бекхана ц1ераг1а.
Наьсарерча культуран Ц1аг1а кийчдар ткъаь ялхайтта эзар мерза совг1ат СВО доакъашхой, таро йоацача дезалера а, иштта цамогаш, хала лазараш долча а берашта лаьрх1а.
Мерзача даарех йизза йола к1опальгаш д1аекъаргяь вай мехка массайолча шахьарашка а юрташка а, юстара дусаргдац Пригородни районе бахача г1алг1ай дезалера бераш а.
