«Ло1амий корсам» кийчъяь берий дехараш кхоачашде
Керда шу хьат1адоаг1аш, Г1алг1айче д1айолайир «Ло1амий корсам» яха акци.
Цу г1улакха т1аг1олла х1ара саги бокъо а, таро а я бер хьаллаца, цун дехар кхоачашде а.
Къаьста цу юкъе да бойла диса, б1ухой, могашал дика йоаца а, таро йоацача дезалера а, Россе кердача регионашкара а 3 шергара 17 шерага кхаччалца ха яьнна дола бераш а.
Х1аьта берий дагалаттар кхоачаш де хьалхара новкъост эттар Магасерча «Россе Почта» кулгалхой.
