«Дошо Г1ала» яха кинофестиваль хьайийллар вай мехка
«Дошо Г1ала» ц1и йолча цхьайтталаг1ча дунен халкъашта юкъерча кинофестивало ший болх д1аболабир 15 ноябре.
20 ноябре кхаччалца д1ахьоргья из культурни вахаре лоарх1аме йола мероприяти.
Г1Р культура, туризма Министерство, РФ конематографистий Союз керте латташ д1ахьош я ийс номинацех латта конкурс.
Кинофестиваля т1аг1олла вай мехка массайолча культуран учрежденешка кинофильмаш гойташ, ц1ихазача артисташца в1ашаг1кхетарш д1акхохьаргда з1амигача а, боккхийча а хьажархошта лаьрх1а.
Кинофестиваль хьаеллаш д1айихьача мероприяте дакъа лаьцар Г1Р Кулгалхочо Калиматов Махьмуд-1аьласи, культуран къахьегамхоша е.
