«Лента памяти» яха форум я вай мехка д1ахьош
21 июле ший болх д1аболабир «Дагалоаттама лента» яхача кинофорумо.
Сийлахь-боккхача Даьймехка т1ем т1а котало якха 80 шу дизара е, «Даьхе лорбой» шера е хетаяьй мероприяти.
Россе кинематографистий Союзо хьаллоацаш, Россе кинематографистий Союза Г1алг1ай республикански отделени, Г1Р культуран Министерство, театра, кино, креативни индустрий Центр керте латташ д1ахьош я форум.
Т1ема исторех дувцаш йола кинопоказаш, гойтамаш, байташ, иштта актерски нач1алах е, документальни, исбахьален кино режиссурах е йола мастер-классаш е, кхы дукха х1ама гойтаргда Москвера баьхкача хьаьшаша.
